打工仔的最大心願相信是升職加薪。不過，有打工仔則分享指，公司的全體員工一律獲得加薪，但是對於加薪金額卻感到不滿，而經理則批評是侮辱性加薪，隨後更做出一個舉動嚇窒全場同事。
該名打工仔日前向facebook專頁「辦公室日報」投稿，提到公司在去年年尾宣布加薪，並指往年加薪金額會因應員工表現而有所不同，「最廢同埋成日請假嘅同事都有$250，我自己就加咗$500，有人加$1000」，不過今年卻劃一加薪50元。樓主指，同事對於金額均感到不滿，而經理當時更大聲地直言「其實公司咁樣即係侮辱性加薪啫！」
樓主續指，經理又向負責派信的人事部阿姐表示，「如果唔加冇咁嬲喎，加$50蚊即係點呀？當我哋乞衣呀？」對方聞言後則回答，「我都係加$50咋」。樓主指，由於經理當時「係動真火兼目露兇光」，所以感覺到人事部阿姐亦感到怯慌，又指「「雖然佢平時唔可以稱得上好惡，但係從未試過好似呢下咁樣情緒爆發」，因此懷疑經理有生活壓力。
樓主指，經理當時詢問「係咪真係人人都加$50先，sales係咪都加$50蚊？」 而人事部阿姐礙於職業操守而未有回答，不過有營業部同事在聞言則回答「係呀，我哋條team都係個個$50，應該全公司都一樣。」經理隨後提出要親自與老闆商討，但被告知老闆當日不會回到辦公室，隨即表示「知道加$50難為情，搵人做醜人去派信，佢自己就避呀？」經理又指，「我唔使佢加$50畀我，公司咁唔掂吖嘛！我人工倒減$50，當我回饋畀公司，就睇下佢知唔知醜！」其後，經理向樓主借了50元，並放到老闆辦公室的桌上，又直言「我擺咗$50蚊喺老細枱面呀，畀X返佢，多謝夾盛惠呀！唔加冇咁嬲，你加$50蚊即係點呀？侮辱我呀？」樓主指，「office裡面其他同事見到佢咁躁，大部分都唔敢講嘢，當然都有人食花生，亦有個別幾個嗌佢唔好咁衝動」，而人事部阿姐則不斷向經理表示，「唔好咁嬲，唔好咁衝動先」。
樓主則指，身邊有朋友未獲加薪，更有人在兩年前因應疫情而被迫減薪，隨後一直未獲加薪至原有的薪金，「所以我呢度加$50你可以話佢衰，但如果要比較的話，同出面compare又好似低處未算低」，但亦認同只加薪50元「有少少肉酸」，並指「就係唔畀好過畀囉，你侮辱人咩！」樓主續指，經理翌日在老闆上班後隨即走進其辦公室進行商討，「佢出返嚟嘅時候又係黑晒面冇講嘢，而全部同事加$50嘅決定亦都冇變」。
相關帖文隨即引起熱議，有人批評樓主公司的做法，並指「個老細真係無腦，話公司唔好境今年都係無人工加，但每人一次過派封500蚊利是當鼓勵好過啦」、「老細咁做擺明同全公司過唔去啦，通常想人哋自己辭職先會用呢招喎」、「$50，食個lunch都唔夠，齊頭$500都無咁嬲」、「50蚊真係侮辱。如果係我都一樣會叫佢X返，唔使加畀我。然後搵工」、「真係唔加好過加，可能減人工都無咁嬲」等。
有人則笑言「儲埋佢可以買樓」、「一年600元，可以食20個30蚊兩送飯」、「有冇謝主隆恩呀」等。有人則猜測經理可能是得知內情才會如此生氣，並指「如果阿ger 本身唔係咁燥底，而佢喺公司又算高級都咁嬲，我會諗佢係咪知公司盤數根本唔係咁差所以嬲」、「應該係個老細答應咗個manager啲嘢，而且公司嘅營業情況係好好」、「位阿ger當時咁大反應，佢應該知多啲嘢所以先咁㷫」等。
資料來源：辦公室日報、星島日報
好工推介
職場熱話
- 1
- 2
-
ENFJ人棄Marketing轉投理財界 靠親和力贏客心
TOP 1 -
AI教父勸大家齊齊做藍領 「AI暫時無法達到人類操作水平，做水管工係唔錯嘅選擇！」
TOP 2 -
HR發帖文指一年Gap Year等於與社會脫節 惹同行抨擊：「證明你令公司錯失人才」
TOP 3 -
香港國際機場職業博覽會2025 大量職位空缺 助您夢想啟航
TOP 4 -
ManpowerGroup報告：第三季本港招聘意欲穩中見保守
TOP 5
-
應對未來職場挑戰？OpenAI推「AI原生大學」 助學生打好AI基礎
TOP 6 -
畢業後為一紙聘書不惜自降身價？HR：只會賠了夫人又折兵
TOP 7 -
見工被HR質疑學歷兼查家宅 仲被揶揄「冇老豆」
TOP 8 -
郵政署招聘客戶服務員 月薪$16,258 DSE 5科2級申請得！
TOP 9 -
AI衝擊加上地緣政治不明朗 應屆畢業生就業前景 可能係40年嚟最差？
TOP 10
-
歐洲初創圈掀起996爭論：賣命式工作文化是否值得仿效？
TOP 11 -
穩定工作、升職加薪、結婚生子 真係成功人生方程式？ 網民：「不如趁早尋找屬於自己的生活節奏」
TOP 12 -
返工壓力爆煲情緒出問題 辭職又驚冇收入 打工仔點樣走出死循環？
TOP 13 -
AI衝擊職場？研究：實際影響仍然輕微 反而增加人類工作量
TOP 14 -
【打工仔必知】惡劣天氣下唔返工會唔會被扣人工？ 僱主可以要求WFH？
TOP 15
-
律政司招聘合約法律書記 月薪$23,585
TOP 16 -
同事表面友善背後放冷箭？打工仔慘變「是非精」箭靶！學識呢幾招保護自己更重要！
TOP 17 -
做在職媽媽並非好事？哈佛研究：事業媽媽子女更易成功！
TOP 18 -
英國推AI助手改善公務員工作 每日慳近半小時工時
TOP 19 -
中六合彩後生活會變成點？得主女兒：父母中獎後性格劇變 欣賞佢哋冇畀金錢蒙蔽雙眼
TOP 20
